ថ្ងៃទី២៦ ខែឧសភា ឆ្នាំ២០១០
ភ្នំពេញៈមន្ត្រីកម្មវីធីជាតិប្រយុទ្ធនិងជំងឺគ្រុនឈាម បានប្រកាសដំណឹងអាសន្នទៅកាន់មន្ទីរសុខាភិបាលតាមបណ្តាលខេត្ត ដើម្បីឲ្យពួកគេមានការប្រុងប្រយត្ន័ខ្ពស់ ក្នុងការត្រួតពិនិត្យមើលអំពីស្ថានផ្ទុះជំងឺគ្រុនឈាមក្នុងពេលបច្ចុប្បន្ន។
លោកង៉ាន់ ចន្ទ័ថា ប្រធានកម្មវិធីជាតិប្រយុទ្ធនិងជំងឺគ្រុនឈាមបានប្រាប់ភ្នំពេញប៉ុស្តិ៍កាលពីថ្ងៃព្រហស្បត្តិ៍ថា ប៉ុន្មានថ្ងៃមុននេះលោកបានផ្ញើរសេចជូនដំណឹងមួយ តាមប្រពន្ធ័អ៊ីនធើណេតទៅកាន់គ្រប់មន្ទីរសុខាភិបាលទាំង២៤ខេត្ត-ក្រុង នៅទូទាំងប្រទេស ដើម្បីឲ្យពួកគេមានការយកចិត្តទុកដាក់ប្រុងប្រយត្ន័បន្ថែមទៀត ក្នុងការត្រួតពិនិត្យមើលស្ថានភាពផ្ទុះជំងឺគ្រុនឈាន ខណៈដែលកុមារចំនួន៨នាក់ត្រូវបានស្លាប់ដោយសារជំងឺគ្រុនឈាមក្នុងពេលថ្មីៗនេះ។ លោកបញ្ជាក់ថា៖«បើតាមទិន្នន័យប្រពន្ធ័តាមដានរបស់យើងបានឲ្យដឹងថា បច្ចុប្បន្ននេះ ស្ថានភាពជំងឺគ្រុនឈាននៅប្រទេសយើងកំពុងតែស្ថិតនៅក្នុងការប្រកាសអាសន្នហើយ ដូច្នេះយើងត្រូវប្រុងប្រយត្ន័ខ្លាំងថែមទៀត បើទោះបីជា យើងបានត្រៀមសកម្មភាពទប់ស្កាត់រួចហើយក្តី ប៉ុន្តែយើងនៅមិនទាន់ដឹងទេថា តើស្ថានភាពនាពេលខាងមុខទៀត វានិងប្រែប្រួលទៅជាបែបណានោះ?
បើតាមរបាយការណ៏របស់កម្មវិធីជាតិប្រយុទ្ធនិងជំងឺគ្រុនឈានដែលភ្នំពេញប៉ុស្តិ៍បានទទួលកាលពីថ្ងៃព្រហស្បត្តិ៍បានឲ្យដឹងថា គិតមកដល់រយៈពេល៥ខែនៃដើមឆ្នាំ២០១១នេះ មានកុមារចំនួន៨៤៥ករណីកំពុងសម្រាកព្យាបាលនៅមន្ទីរពេទ្យ ក្នុងនោះមានកុមារចំនួន៨នាក់ត្រូវបានស្លាប់ ដោយសារជំងឺគ្រុនឈាន។ ចំនួននេះបើគិតក្នុងរយៈពេលដូចគ្នា កាលពីឆ្នាំ២០១០ បានឲ្យដឹងថា ករណីឈឺមានត្រឹមតែ៧៣១នាក់ រឺឯករណីស្លាប់មាន៤នាក់។
លោកង៉ាន់ ចន្ទ័ថា បានបញ្ជាក់ថា មូលហេតុដែលនាំឲ្យករណីស្លាប់មានការកើនឡើងជាង ឆ្នាំមុនក៏ព្រោះតែស្ថានភាពជំងឺគ្រុនឈាមមានការប្រែប្រួលពីមួយឆ្នាំទៅមួយឆ្នាំនិងផ្ទុះខ្លាំងក្នុងរយៈពេលពី៣-៥ឆ្នាំ ដែលនេះជាហេតុធ្វើឲ្យកម្មវិធីជាតិ មិនទាន់អាចធ្វើការគ្រប់គ្រងបាន ម្យ៉ាងទៀតភាគច្រើនអាណាព្យាបាលកុមារតែងនិយម ប្រើប្រាស់ឱសថដែលមានតំលៃថោក ជាជាងយកកូនមកមន្ត្រីពេទ្យ លុះដល់ពេលកូនឈឺមានប្រតិកម្មជាមួយនិងថ្នាំ ទើបយកកូនមកមន្ទីរពេទ្យព្យាបាល ដែលពេលខ្លះធ្វើឲ្យគ្រូពេទ្យពិបាក និងជួយសង្រ្គោះទាន់ពេលវេលា។ លោកថ្លែងថា៖«មកដល់សប្តាហ៍ទី២០នេះ ខេត្តដែលមានករណីផ្ទុះជំងឺគ្រុនឈាមខ្លាំងជាងមាន រាជធានី កំពង់ធំ សៀមរាប កណ្តាល តាកែវ កំពង់ស្ពឺ ព្រៃវែង គឺសុទ្ធតែជាតំបន់ដែលត្រូវប្រុងប្រយត្ន័»។
លោកប៉ិក គឹមសាន្តអនុប្រធានមន្ទីរសុខាភិបាលខេត្តកំពង់ធំបានមានប្រសាសន៍ថា មកដល់សប្តាហ៍ទី២១នេះ មិនមានអ្វីប្រែប្រួលដូចសប្តាហ៍មុនៗទេ។ លោកបន្តថា លោកមិនទាន់បាន ទទួលសេចក្តីជូនដំណឹងនោះនៅឡើយទេ ប៉ុន្តែទោះបីជាយ៉ាងណាលោកនៅតែមានវិធានការណ៍ ប្រុងប្រយត្ន័ទប់ស្កាត់ជានិច្ចដែរ ព្រោះថា រដូវគ្រុនឈាមបានឈានមកដល់ហើយ ដូច្នេះលោកនិង ត្រៀមយុទ្ធនាការសម្អាតផ្ទះសម្បែង និងយុទ្ធនាការផ្សព្វផ្សាយអប់រំពីជំងឺគ្រុនឈាមជាមួយនិងការ ដាក់ថ្នាំអាល់បេតផងដែរ។ លោកថ្លែងថា៖« គិតមកដល់ឆ្នាំ២០១១នេះ មានកុមារឈឺចំនួន១៤០ករណី ក្នុងនោះស្លាប់២ករណី»។ ចំនួននេះបើគិតក្នុងរយៈពេលដូចគ្នាឆ្នាំ២០១០ ជំងឺគ្រុនឈាមបាន ឆ្លងមកកុមារក្រោម១០០នាក់ ក្នុងនោះស្លាប់២នាក់ដូចគ្នា។ លោកថា ប្រជាពលរដ្ឋនៅក្នុងតំបន់នេះ មានការយល់ដឹងច្រើន ដោយមិនធ្វេសប្រហែសក្នុងការថែរក្សាកូនទេ នៅពេលកូនឈឺពួកគេតែងតែយកកូនមកមន្ទីរពេទ្យ ដែលនេះខុសគ្នាពីពេលមុន។
No comments:
Post a Comment